Oʻzbekiston Respublikasi Markaziy banki, Oʻzbekiston mahallalar uyushmasi, Alisher Navoiy nomidagi Oʻzbekiston Milliy kutubxonasi hamda Yoshlar ishlari agentligi hamkorligidagi “Mahalla kutubxonasi” loyihasi doirasida Mustaqilligimizning 35 yilligi munosabati bilan yuborilgan “Kitob karvoni” Olot tumaniga yetib keldi.
Olot tumanining eng olis mahallalaridan biri boʻlgan Kattabayot mahallasiga 1000 (bir ming) nusxa kitob taqdim etildi.
Eng quvonarlisi, “Kitobxon oila”, “Yosh kitobxon”, “Eng yaxshi kitobxon oʻquvchi” tanlovlari doirasidagi hamda milliy va xalqaro sertifikatlar uchun oʻqiladigan kitoblar mazkur loyiha orqali eng olis mahalla kutubxonasida mavjud.
Bunday yuksak bayram tuhfasidan, nafaqat Kattabayot, balki atrofdagi boshqa mahalla ahli ham benihoya xursand boʻlishdi.