📚 “KITOB KARVONI” — KATTA BAYOT MAHALLASIDA!

Mustaqilligimizning 35 yilligi munosabati bilan
“Mahalla kutubxonasi” loyihasi doirasida yo‘lga chiqqan “Kitob karvoni” Katta Bayot mahallasiga yetib keldi. O’zbekiston Respublikasi Markaziy banki, O’zbekiston Mahallalari uyushmasi, Milliy kutubxona, Yoshlar ishlari agentligi hamkorligida tashkil etilgan kitob karvoni taqdim etgan 1000 nusxa kitob mahalla ahliga bayram uchun chinakam sovg’a bo’ldi.

Tadbirda tuman hokimi oʼrinbosari Jamil Alloqov O‘zbekiston mahallalari uyushmasining tuman bo‘limi boshlig‘i Valisher Jo‘rayev, Axborot-kutubxona markazi direktori Nilufar Azimova, mahalla faollari hamda keng jamoatchilik vakillari ishtirok etdi. 📖 “Kitobxonlik mahallasi” g‘oyasi asosida tashkil etilgan tadbirda kitobning inson hayotidagi beqiyos o‘rni, yosh avlod tarbiyasida mutolaaning ahamiyati haqida so‘z yuritildi. Ayniqsa, mahalla yoshlari va kitobsevar aholining kitoblarga bo‘lgan qiziqishi tadbirga o‘zgacha ruh bag‘ishladi.

📚 Mahalla ahli uchun 1000 ta yangi kitobning yetib kelgani chin ma’noda quvonchli voqea bo‘ldi. Endilikda bu kitoblar mahalla aholisi, ayniqsa yoshlarning bo‘sh vaqtini mazmunli tashkil etish, dunyoqarashini kengaytirish va kitobxonlikka mehrini oshiradi.

📖 “Kitob karvoni” — ezgulik va ma’rifat ulashib, Katta Bayot mahallasida o‘z izini qoldirdi.